အပိုင်း (၅): Daniel Mayer [ဦးဂိုအင်ကာ၏ နည်းလမ်းဖြင့် ဝိပဿနာတရားများ သင်ကြားပေးသူ (ဆရာကြီး)။]
အကယ်၍ သင်က လက်တင် အမေရိကား၊ တောင် အမေရိကား ဒါမှမဟုတ် အာဖရိက တနေရာရာမှာ ဝိပဿနာ (၁၀) ရက် စခန်းသာ ဝင်ဖူးခဲ့မယ်ဆိုရင် အနည်းဆုံး တနည်းမဟုတ် တနည်းအားဖြင့် Daniel Mayer ရှိနေတဲ့ တရားစခန်းမှာ ဝင်ခဲ့ဖို့ ဖြစ်နိုင်ချေ များပါသည်။ ပြီးတော့ အကယ်၍ သင်က ဗုဒ္ဓ အဆုံးအမ နည်းနာများကို စပိန်ဘာသာစကားသို့ ပြန်ဆိုထားတာကို ကြားနာဖူးထားမယ်ဆိုရင် သူ၏အသံကို ကောင်းကောင်း မှတ်မိပါလိမ့်မယ်။ သိပ် အံ့ဩဖို့ကောင်းတာက ဦးဂိုအင်ကာ နည်းအားဖြင့် အားထုတ်ကြသော ယောဂီများတွင် အာဂျင်တီးနား သမ္မတ Juan Perón သည် တဦးအပါအဝင်ဖြစ်နေပြီး ၁၉၇၂ တွင် Peron အာဏာပြန်ရခြင်းသည်ပင် Daniel အား အမိမြေမှ စတင်ထွက်ခွာလာခဲ့ဖို့ တွန်းအား တရပ်ဖြစ်ခဲ့သည်။
ဓမ္မကို စတင်လေ့လာတဲ့ အချိန်၌ သူသည် ပြည်ပြေးဘဝဖြစ်နေရသော အချိန်ဖြစ်ပါသည်။ သူအခြေချခဲ့သော ပြင်သစ်ရှိ အခန်း (၇) ခန်း နဲ့ မီးလင်းဖို (၃) ဖိုပါ ပြင်သစ်အိမ်တအိမ်မှာ လူမှုရေးပွဲများစွာ အိမ်ရှင်အဖြစ် လက်ခံကျင်းပခဲ့သည်။ သူ့ပြောစကား ဖြစ်တဲ့ “ကျွန်တော်တို့ ချမ်းသာဖို့ ကြိုးစားတယ် ဒါပေမဲ့ မချမ်းသာခဲ့ဘူး။ ကျွန်တော်တို့ ငြိမ်းအေးဖို့ ကြိုးစားခဲ့တယ် ဒါပေမဲ့ အလွန်ပူလောင်ခဲ့တယ်။” အဲ့ဒီ တွေ့ဆုံပွဲတွေထဲက တစ်ခုမှာ သာမန် ပွဲတက်လာသူတွေနဲ့မတူ ကွဲထွက်နေတဲ့ ငြိမ်းအေးနေတဲ့ မိန်းကလေးတယောက်ကို တွေ့မိတဲ့အခါ သူမသည် နီပေါနိုင်ငံရှိ လာမားဗုဒ္ဓဘာသာ ရက် (၃၀) စခန်း မှ မကြာသေးခင်က ပြန်လာကြောင်း သိခဲ့ရသည်။ ချက်ချင်း ဆိုသလိုပဲ Daniel က သူကြိုးစားရှာဖွေနေတဲ့ တစ်စုံတရာကို ခံစားမိလိုက်ပြီးနောက် နီပေါသို့ ထွက်လာခဲ့ပါသည်။
သို့သော် အစဉ်အလာအရ ရွတ်ဖတ်ခြင်း၊ ဝတ်ပြုကန်တော့ရခြင်း စတဲ့ အဆုံးအမတွေက သူ့ကို မဆွဲဆောင်နိုင်ခဲ့တာကြောင့် တောင်ပိုင်းရှိ အိန္ဒိယ အထိ ခရီးဆက်ခဲ့ပါသည်။ ဒါကလည်း အနောက်တိုင်း ယဉ်ကျေးမှုနဲ့ ထိပ်တိုက် ဆန့်ကျင်နေတာမျိုးဖြစ်တာကြောင့် လူမှုဓလေ့စရိုက်များကို သွေဖီသောသူတို့ လှုပ်ရှားမှုက အရှေ့တိုင်းမှ ဘာသာရေးအဆုံးအမတွေကို ရှာဖွေဖို့ရန် အိန္ဒိယကို စီးဆင်းလာခဲ့သလိုမျိုး ဖြစ်ပါသည်။ သူ့မိတ်ဆွေအချို့က Rajneesh (Osho-အိုရှို) ကို စတင်စိတ်ဝင်စားလာကြသော်လည်း Daniel ကတော့ လုံးဝစိတ်မဝင်စားခဲ့ပဲ အစပိုင်းမှာ Patanjali ၏ အဆုံးအမလမ်းကြောင်းဆီသို့ ဦးတည်ခဲ့ပြီး နောက်ပိုင်းတွင် ဦးဂိုအင်ကာ နည်းနာများကို လေ့လာပြီးနောက် သူ့ဆရာကို သူတွေ့ပြီဟု သိရှိခဲ့ပါသည်။
ဦးဂိုအင်ကာ၏ ရိုးသားမှု၊ ဂုဏ်သိက္ခာရှိမှုနဲ့ ဟာသဉာဏ်ရွှင်မှု စတဲ့ မှတ်သားဖွယ် လက္ခဏာတွေက ဒီနေ့ခေတ်ရှိ အခြားသော အိန္ဒိယဆရာ တချို့မှ ကွဲထွက်နေတာကြောင့် Daniel ကို ချက်ချင်း ဆွဲဆောင်နိုင်ခဲ့ပါသည်။ ဦးဂိုအင်ကာသည် သူ့တပည့်များကို သူ့တို့၏ နောက်ကြောင်းအရ ဦးစားပေး သင်ကြားမှုများ မပေးခဲ့သည်ကို အထူးကျေနပ်မိကြောင်း ပြောပါသည်။ Podcast တွင် ယောဂီဘဝ အစောပိုင်းနေ့ရက်များ အကြောင်း၊ ကျောင်းသားမျိုးစုံနှင့် ဆက်ဆံရသော သူ့ဆရာ၏ ညင်သာပျော့ပြောင်းမှုကို တွေ့ရှိရမှုအကြောင်း၊ ဦးဂိုအင်ကာသည် ပွင့်လင်းသောစိတ်ထား၊ ကွဲပြားသော ယဉ်ကျေးမှုများနဲ့ နောက်ကြောင်းရာဇဝင်များအပေါ် နားလည်ပေးနိုင်မှုများ အကြောင်း ပြောပြထားပါသည်။ နောင်နှစ်များမှစ၍ Daniel သည် ဘရာဇီး ဓမ္မသန္တိ ရိပ်သာဆရာကြီး Center Teacher (CT) အဖြစ်၊ နောက်ပိုင်းတွင် အာဖရိက၌ ကျန်ရှိနေသော နယ်ပယ်များတွင် ညှိနှိုင်းပေးရသောဆရာကြီး Coordinating Area Teacher (CAT) အဖြစ် ခန့်အပ်ခြင်း ခံခဲ့ရပါသည်။ ယခု သမာရိုးကျ ဘဝမှာ အမိန့်ရ အပ်စိုက်ဆရာတဦးဖြစ်ပါသည်။
သူ့ရဲ့ အတိတ်က အတွေ့အကြုံကို ပြန်ကြည့်ရလျှင် Daniel သည် ဒီနေ့ အကြီးတန်း ဆရာများကို အားပေးတဲ့အခါ တူညီသော ပွင့်လင်းတဲ့စိတ်ထားကို ဆက်လက်မြှင့်တင်ထားဖို့ရန်၊ ဦးဂိုအင်ကာကြီး၏ အကြံဖြစ်တဲ့ တရားရိပ်သာများမှာ “ကိုယ့်မိခင်ကိုပါ ခေါ်ထားလို့ရတဲ့” အနေအထားမျိုးဖြစ်အောင် ဆက်ဆက်လုပ်သင့်တဲ့ကြောင်း ပြန်လည်ပြောပြပါသည်။ ဆင်းရဲနွမ်းပါးသော တိုင်းပြည်ရှိ ရိပ်သာများတွင် ကမ္ဘာ့ ပထမတန်းစား ဇိမ်ခံပစ္စည်းများနှင့် သက်သောင့်သက်သာရှိမှုများသည် နည်းလမ်းတကျ ထောက်ပံ့ခြင်း မဟုတ်တဲ့အတွက်လည်း Daniel က စိုးရိမ်ပါသည်။ လုပ်ထုံးလုပ်နည်းတွေ ဆက်လက် ကျယ်ပြန့်များပြားလာသည်နှင့်အမျှ အုပ်ချုပ်ရေးနဲ့ စီမံမှုပိုင်းမှာ လိုအပ်မှုများ တိုးပွားလာခြင်းက အဓိကကျတဲ့ တရားအားထုတ်ရေးအပေါ် တာဝန်ဖိစီးမှု မဖြစ်စေဖို့ မျှော်လင့်ကြောင်း ဆိုပါသည်။
Daniel ၏ အမေရိကားနှင့် အာဖရိကား ဝေးလံသော ဒေသများနှင့် ဗုဒ္ဓ၏ အဆုံးအမကို လုံးလုံးမျှ မကြားဖူးကြသော ဒေသများတွင် ဓမ္မတရားတော်များ ပျံ့နှံ့ရေး အလုပ်အကြောင်းကို နိဂုံးချုပ်အနေနဲ့ ဆွေးနွေးထားပါသည်။ အဆုံးသတ်အနေနဲ့ Daniel က အဲ့ဒီခေတ်က ထင်ရှားတဲ့ ဆရာကြီးများဖြစ်တဲ့ - ဂိုအင်ကာကြီး၊ မာတာကြီး၊ ဆရာမ၊ ရောဘတ် ဟိုးဗား၊ ရုသ် ဒန်နစ်ဆင်၊ ဂျွန် ကိုးလ်မန်း တို့နဲ့ ပတ်သက်တဲ့ သူ့ပုဂ္ဂိုလ်ရေး အတွေ့အကြုံတွေကို ပြောပြထားပါသည်။ Daniel ၏ မိမိကိုယ်ကို နှိမ့်ချမှု၊ တရားတော်ပျံ့နှံ့ရေးအပေါ် အတ္တမပါသော မြုပ်နှံထားမှုတို့က တွေ့ဆုံမေးမြန်းခန်း အစကနေ အဆုံးထိ ပုံဖော်ပြသနေပါသည်။
နောက်တော့ Daniel ပဲရစ်တွင် ရှိခဲ့သော နေ့ရက်များနှင့် တိုက်တိုက်ဆိုင်ဆိုင် Joah၏မိခင်လည်း အဲ့ဒီအချိန် အဲ့ဒီမှာ ရှိနေခဲ့ပြီး Daniel နှင့်အခြားသူများ အရှေ့တိုင်း အိန္ဒိယသို့ ထွက်ခွါခဲ့ချိန် သူမလည်း နောက်ဆုံးမှာတော့ အာဖရိက တောင်ပိုင်းသို့ သွားခဲ့ပုံများကို Joah ကသတိထားမိလိုက်ကြောင်း Zach Hessler ကို ပြောထားပါသည်။ ဆယ်စုနှစ်အချို့ကြာပြီး သူမ၏သား ပါဝင်တဲ့ ဝိပဿနာ တရားစခန်းမှာဝင်ရောက်မိတဲ့အခါ ဘဝသံသရာ စက်ဝန်းမှာ ပြန်ဆုံတွေ့ကြတဲ့အကြောင်း၊ သိမ်မွေ့တဲ့ အခြေအနေနဲ့ လွှမ်းမိုးမှုတွေက တူညီတဲ့ဘဝတွေမှာ မတူညီတဲ့လားရာဆီသို့ ဘယ်လို ပို့ဆောင်ပေးတတ်ကြောင်းကို Joah နဲ့ Zach တို့က သုံးသပ်ထားပါသည်။ Zach က Daniel ၏ အကျဉ်းချုံး ရဟန်းခံယူမှု အကြောင်းနှင့်တကွ ဓမ္မလမ်းပေါ်မှာ ရည်ရွယ်ချက်ကြီးမားသူတို့၏ သင်္ကန်းဝတ်သောအခါ၌ ရရှိနိုင်သော မတူညီသည့် အခွင့်အရေးများ အနေဖြင့် ပြောပြထားပါသည်။ နောက်ဆုံးမှာ နှစ်ဦးသားသည် Daniel ၏ ဘဝဖြစ်ရပ်နှင့် ဦးဂိုအင်ကာ ဝိပဿနာစခန်းများ၏ အစောပိုင်းနေ့ရက်များကို သရုပ်ဖော်ထားပုံများ၊ ကျင့်စဉ်များနဲ့ ပတ်သက်ပြီး ရိပ်သာ၏ စည်းမျဉ်း ဥပဒေများအကြောင်း ဆွေးနွေးထားပါသည်။
ကျွန်တော်တို့၏ အလုပ်များကို ထောက်ပံ့လိုပါလျှင် ကျွန်တော်တို့က မိတ်ဆွေတို့၏ လှူဒါန်းမှုကို ကြိုဆိုပါတယ် ခင်ဗျာ။
Patreon မှတဆင့် ဒါနပြုလိုပါက https://www.patreon.com/insightmyanmar
Paypal မှတဆင့် ဒါနပြုလိုပါက www.paypal.me/insightmyanmar
Credit Card မှတဆင့် ဒါနပြုလိုပါက www.insightmyanmar.org/donation
လက်ရှိ မြန်မာပြည်မှာရှိနေပြီး ငွေသားလှူဒါန်းလိုပါက ကျွန်တော်တို့ကို ဆက်သွယ်နိုင်ပါတယ် ခင်ဗျာ။